قصيدة وداعة الله يا تبوك
خط القلم أخر حروف الشعر من بعد الرحيل
ودع بها الغربه على ذكرى سنينه والغياب
واثار في صدري تناهيت الفراق المستحيل
يوم الفرح له شوق بالرجعه على متن الصعاب
تبوك ودعتك غريب اديار والمسرى طويل
والدرب اتعب خطواتي لو كان مارد الجواب
مير أبشر بذكرى خليل ٍ ما نسى فيه خليل
ما دمت أنا حي ٍ فلا يلحقك من شعري عتاب
والعذر من زله تجي بالبال وابشر بالدليل
ومسموح من كل الخطا لوكان حقه لك صواب
ايو الله أن فراق أهل الطيب ماعنه بديل
لاكن حياة الادمي مسيره حسب الكتاب
وماني بناسي ماضيٍ لي فيك محسوب الحصيل
ورجاي في ربي يغفر الذنب من قبل الحساب
وهذا رحيلي رجعة ٍ ماجات بالمد القليل
من فضل ربي جات حين القلب للخالق أناب
من بعد غربه عدت للطايف واطفيت الفتيل
والغربه اللي اشعلت عبرودها صارت سراب
وهذا وأنا فالطايف اللي جوه الجو العليل
تلقى تراحيبه على ماقيل في وبل السحاب
والحمد لله فوق فضله يوم يسر لي سبيل
أنا احمد الله واشكره من قبل ندفن بالتراب