قصيدة في الملك عبدالله

في مدح الملك عبد الله

بديت باسم الـلـه أقـــدم قصيـــــــده ***** أذكر بها ما شفت وأدركت بالعين

شفت أبو متعب عقب غيبة عضيده ***** مشى على المنهج وحنا هل الدين

وكل المناهج مرجــــعه للعقيـــــدة ***** دستورنا القرآن مـا فيه قوليـــــن

وآعــد شـعـوبه بالحيـاة السعيـــــدة ***** وبدا بعزم وجهد يوفي لنـا الديـن

وعز الـلـه أنه ما كـذب بالوعيـــده ***** إلا تعـدى وأصبح الكـيل كيـليــن

وبـأقــل مـن عــام بخــطه جـديــده ***** أنجز بها أعماله مثل طرفة العين

وحـقـق لشـعبـه كـل شـيء يـريــده ***** ومـن حبـهـم سمـوه يا قـرة العين

ولا حـب ربـي عبـد خـلى عبـيــده ***** بـقـدرة الـلـه كـلـهم لــه محـبـيـن

ويـسـر أمـور بالظـروف الشديــدة ***** مـن حـيث لا يـدري يمكنه تمكين

وجـتنا على قـدومه عـطايا عديــده ***** فـضل من المـولى ولا فـيه تقنين

ومـا حدثت نفسـه يـزود رصـيــده ***** رصيده المطلوب (شعبٍ محبين)

ويـوم أنها جـت له على ما يريـده ***** أنعم على الأقصين قبل القريبين

وبدا مع المسكـين وأصبـح سنيـده ***** حقق له المطلوب والطاق طاقين

ويـوم اطـمـأن وكـمل اللي يـفيــده ***** خلاه ينعم مثل الأقصى والدنـيـن

ومـشى عـلى بـاق الديـار البـعيده ***** يعلن مطالبهم على الرأس والعين

بـنفس عن الدنيـا عـزوف زهيـده ***** هـوماتها مـا هـي بجـمع الملايـين

وأعـطى بـغير حساب والله يزيده ***** والفضل عند الله يضاعفه ضعفين

وعسى الذي سخـرك تنـفع عبيـده ***** يديم فضـلك لضـعوف المسـاكـين

ويطيـل في عمـرك سنيـن مديــده ***** تنعم بها بدنياك وتنصر بها الدين

وينعم بها شعبك معك وانت سيـده ***** وحنا جنودك ،عزوتك لك محبين

وسر يا بو متعب جعلها لك حميده ***** بشعب تحـبه وأنت لـه قـرة العين

» قصيدة بمناسبة شفاء الملك عبدالله يحفظه الله
» قصيدة عن الام
» قصيدة وداع
» قصيدة عن الموت
» قصيدة الصديق الخائن